عودة للمدونة...والبداية شهر للذكرى

بعد انقطاع دام اكثر من شهرين...اعود لصفحة المدونة ....مش عارف اذا كنت هكتب باستمرار ولا لا......خاصة اني كنت ناسي لينك المدونة ولكن لحسن الحظ انقذني الباشا الكبير علي قرقر لان لينك المدونة محطوط في مدونته(وحياة ابوك يا قرقر تحافظ عاللينك زي......لحسن كتاباتي تضيع وتضيع معاها حقوق الملكية وكما ممكن تتعرض للتحريف من الطوائف الاخرى)......المهم ان انا حبيت ادون مجموعة من الاحداث المهمة بداية من 25 يناير ل 26 فبراير..يعني تقريبا شهر.........25 يناير وده عيد الشرطة كان يوم بداية رحلتي لمدينتي الاقصر واسوان وهناك قضيت 4 ايام زرت فيها معظم المزارات السياحية هناك(متحف النوبة..معبد الدير البحري..معبد هابو..معبد الكرنك..معبد الاقصر..المسلة الناقصة..جزيرة النباتات...خزان اسوان..رمز الصداقة..السد العالي...معبد فيلة..)..الرحلة كانت جميلة ولكن اصعب ما فيها 16 ساعة ذهابا و14 ايابا على الكرسي في القطر(ده ايه الذل ده).........ثاني الذكريات كان عيد ميلادي الواحد والعشرين يوم 29 يناير(كل سنة وانا طيب)وبعديها بيوم واحد يعني يوم 30 يناير كانت الذكرى ال25 لوفاة جدي (علي المحروقي)رحمه الله وده بجد الانسان الوحيد اللي انا كنت بتمنى ان اعاصره واعيش معاه من كتر كلام الناس عنه ........فبراير2008 وفيه مصر تتوج ملكة على افريقيا...في مفاجأة استيقظ فيها الفراعنة المحنطون منذ الاف السنين لتحقيق المعجزة بقيادة خوفو الكرة المصرية حسن شحاتة بعد الفوز على الكاميرون في النهائي 1-0 بهدف لمينا الكرة المصرية الذي وحد جماهيرها على كلمة واحدة(مصر)الفنان محمد ابوتريكة والمباراة كانت يوم 10 فبراير وهو نفس تاريخ الفوز بالبطولة عام 2006وايضا كنا الابطال وفي نفس الشهر ويوم 28 فباير 1998 كان الفوز بالبطولة ايضا للفراعنة على جنوب افريقيا 2-0............وفي فبراير وبالتحديد يوم 22 عيد ميلاد حبيبي علي قرقر(كل سنة وانت طيب يا مان وعقبال اليوبيل الماسي)وهو نفس يوم تعامد الشمس على تمثال رمسيس التاني فمعبد ابو سمبل ..شفت الصدف يا قرقر..........وفي نهاية شهر الذكريات....كل سنة وانت طيب يا بابا ...كل سنة وانتي طيبة يا ماما...لان عيد ميلادهم في فبراير

انا لله وانا اليه راجعون

اتقدم بخالص الحزن والاسى بالعزاء لنفسي ولاسرتي ولاهلي جميعا في وفاة جدتي عن عمر يناهز ال70 عاما.....ادعو الله ان يغفر لها خطاياها وان يتقبل صالح اعمالها ...وان يسكنها فسيح جناته

.....واشكر صديقي علي قرقر على تقديمه واجب العزاء عبر صفحة مدونته.......