الجريمة

بالصدفة وانا قاعد عالنت فوجئت بعنوان صور جرائم قتل بعد الاغتصاب.تخيلوا قتلها بعد الاغتصاب....شفتوا قد ايه كان رحيم بيها ..لدرجة انه رفض انها تعيش بفضيحة....حاجة تحزن وتبكي وتقرف.....للدرجة دي في بشر ممكن قلبهم يطاوعهم انهم يعملوا جرايم بالبشاعة دي ايا كان المجرم ده مسلم ولا مسيحي اوحتى ملهوش ملة....هل بجد في ناس قلبها ميت زي م بيقولوا بلا رحمة اومشاعر...انا شخصيا مش مؤمن بالحكاية دي وبحاول اني اكذبها....لاني مش متخيل ان في انسان ممكن يفكر في القتل بكل سهولة كدة او انه يمسك سكينة ويطعن بيها غيره....هل خلاص كل الطرق اتقفلت في وشه ومعدش قدامه غير القتل....وفكر كام مرة قبل ميقتل ولا مفكرش اساسا....شعوره ايه وهو قاتل... القتل هو اول جريمة ارتكبت على وجه الارض وكان سببها امرأة(قصة قابيل وهابيل)ودائما ما يكون وراء كل مصيبة امرأة"ناقصات عقل ودين"......بالنسبة للاغتصاب اصبحت نسبته عالية بسبب لبس الانسا ت المحترمات الحشم اوي اوي وطبعا الشهوة اللي بتتملك معظم الشباب ده غير المدمنين اللي مش عارفين هما بيعملوا ايه.......لكن تقول ايه في البنات اللي بيروحوا برجليهم لبيوت الدعارة يعرضوا نفسيهم ع الرجالة دول ......لا تعليق.....يكفي ان احداهن ارادت ان توقع بسيدنا يوسف "عليه السلام".."ان كيدهن عظيم"....والعجب العجاب ان صفحات الحوادث في كل الجرائد والمجلات لا تخلو من الجرايم على كل لون اشي سرقة واشي قتل على اغتصاب وواحد قتل مراته وولاده وانتحر واللي قتلت جوزها واللي واللي.....والناس بقت بتشتري الجرنان عشان تقرى الحوادث...بقى ده كلام...المجرم ده ايه اللي وصله لكدة ومين المسئول وهيستفيد ايه وامتى هيفوق وايه فايدة القانون طول مفيش امن.................................اخر الكلام......كلمة للاطباء....ارجوكم راعوا ضميركم..جرايم قتل المرضى نتيجة الاهمال والجهل كثرت......

صنع في مصر

بجد حاجة تغيظ !!!الاكل مغشوش ...المياه ملوثة....الادوية مضروبة.....التعليم فاشل....حتى البني ادم بقى مغشوش واحيانا غشاش.....كرة القدم متنفس المواطن الوحيد وتقريبا هي الحاجة الوحيدة اللي بتشغل حياة المصريين وتخرجها من حياة الملل الى داخل المستطيل الاخضر بكل اثارته وتشويقه ومتعته. لكن بجد اللي بيحصل الموسم ده في الدوري المصري حاجة كدة ولا في الاحلام...شئ فوق الوصف...صحيح ان في فرق كتير تطورت ومستواها ارتفع وطبعا ساعدهم في كدة هبوط مستوى ثلاثي القمة بس ده اضفى روح المنافسة واللي بدات تختفي مع نهاية الدور الاول.....وصحيح ان معدل التهديف عالي جداجدا وانا شخصيا بتوقع ان الموسم ده هيسجل رقم قياسي في عدد الاهداف في الدوري....وبعيدا عن بعض السلبيات اللي بتفسد اجواء الدوري زي التوقفات الكتيرة في حاجة وحدة تفسد دائما روح المنافسة وتخل بمبداfair play وتحرق دم اللعيبة والمدربين والجماهير والمحللين والحيوان والجماد..........طبعا مفيش غيره التحكيم المصري العبقري وقوانينه العجيبة اللي بتحمل شعار"صنع في مصر" في مصر بس مش هتلاقيه في الصومال ولا حتى جيبوتى اوجزرالقمر اوحتى جزر الانتيل.....بصراحة انا مش عارف هل الحكم في مصر بيتعمد انه يغلط ولا دي اخطاء بشرية.....لقيت انه كل الحكام بتغلط في كل الماطشات نفس الاخطاء يبقى ده مش تعمد ده سبق اصرار وترصد وغش وفساد وبصراحة في من الحكام اللي مبيعرفش!والعيب مش عليه العيب عالبيه اللي مسكه صفارة !التحكيم افسد تقريبا اكتر من نص ماطشات الدوري حتى الان والعرض مستمر حتى نهاية الموسم وبنجاح ساحق!!اخر ابداعات التحكيم كانت ضربة جزاء مغلفة بشعار"صنع في مصر" احتسبها الحكم لصالح عماد متعب في الوقت القاتل والحكم يعلم تماما وانا متاكد من ذلك ان متعب ابدع في التمثيل بس تقول ايه"لعبتها صح من الاول وصدقتك" الحكم لقى الماطش قرب يخلص ومفيش فايدة قال اخلصه انا"بيدي لا بيد عمرو" بس المصيبة انه ميعرفش انه ضيع على السوايسة نقطة كانوا يستحقوها بكل امانة وانه اضاف للاهلي ثلاث نقاط ممكن تفرق في نهاية الدوري وكمان بيقتل طموح الاندية اللي بتنافس.......وهنا التحكيم كان مع الاهلي وفي ماطشات تانية ضد الاهلي....وعلى ده الحال مع كل الفرق........ولا حكام الراية كلهم حكام "نص كم" ابسط واجباتهم مش عارف هل بيطنشوها ولا بيسرحوا ولا بيكونوا فين بالضبط يعني اينو هيموت ويسجل هدف مع الاهلي وبالفعل سجل بس تقول ايه في عديم النظر"هي الكورة فيييييييييييييييييييييين"واخر ابداعات التحكيم كانت في الاسبوع الماضي في مباراة مش متذكر طرفيها بس المهم الكورة كانت ضربة جزاء.....تخيلوا حكم الساحة عمل ايه.......الحكم ادى ظهره للترعة _اسف_للكورة واللاعب اللي هيشوط وحارس المرمى وواخد باله من بقية اللعيبة "اوعى حد يخش المنطقة لحسن والله انتو عارفين " لا وايه قال لحكم الراية خلي بالك الكورة عدت ولا لا والحارس اتقدم ولا لا وابقى قلي لما تخلص.....انتو عارفين ممكن يكون من حقه يعمل كدة وانا معرفش بس الاكيد انا مشفتش كدة قبل كدة.................................كل اللي نفسي فيه ان الحكم يكون حكم وبس من غير اي اعتبار للفريقين اللي بيلعبوا ولا الجماهير اللي في المدرجات_ده العرجون عملها قدام70الف_وان الحكم يصفر عاللي شايفه وبس وان التحكيم يكون لمجرد منح العدالة وبس مش تحديد الفائز والخاسر والنتيجة كماااااااااااااااااااااااااان.يااااااااااااااااااه كنت هانسى.....كل سنة والمسلمين في كل اانحاء المعمورة بخير...وكل سنة وانتي طيبة يا مصر.

جوة وبرة

اعوذ بالله من الشيطان الرجيم ان الله لا يغير ما بقوم حتى يغيروا ما بانفسهم صدق الله العظيم..................طبعا كلام المولى عز وجل ليس بعده كلام فالموضوع منتهى ومحسوم وبصراحة انا شايف ان الاية تنطبق تماما على المصريين احفاد الفراعنة كما يحلو لهم ويا ريتهم خدوا حاجة من التزام ونظام والفراعنة المصريين بينادوا بالتغيير في كل جوانب الحياة من الالف الى ما بعد الياء وكله طبعا مطلوب من الحكومة.....طب فيها ايه لو كل واحد غير من نفسه شويتين وبقى ملتزم بيروح شغله عشان يرضي ضميره ويرضي ربنا مش عشان دفتر الحضور والانصراف.......انا عن نفسي بروح الكلية عشان الغياب لا اكثر..........وحاجات تانية كتير ممكن تتغير بسهولة بس نبطل النفخة الكدابة والقنعرة والعنطزة اللي بتنقح على كل واحد فينا وتمنعه من انه يغير من نفسه مع ان التغيير للاحسن...........ويا ريت تشوفوا المقارنة دي بين المصري العظيم برة وجوة مصر وعلى فكرة انا جايبها من مدونة اسمها خواطر وصاحبتها اسمها جيهان.....................جوة مصر عادى جدا انك ترمى ورق فى الشارع او زبالة ,انما لما تسافر برة بتحافظ على نضافة البلد وتحترم الشارع ..................جوة مصر تكون انسان حمش وراجل قوى , وبرة مصر انت انسان فرى جداااااااااااا على اعتبار البلد الى ميعرفكش فيها حد اعمل الى انت عايزة.................جوة مصر شايف ان البنت مكانها البيت , وبرة مصر تعجب بالبنت الى معتمدة على نفسها وعايشة لوحدها............جوة مصر نتعامل مع اصحاب الديانات التانية على اساس انهم ناس المفروض يخلصوا من الوجود , برة مصر بنتعامل مع يهود ومسيحين وملحدين كمان ونتعامل معاهم بشكل محترم جداااااااا ............جوة مصر نبهدل بلدنا ونوسخها ونبوظ فيها , وبرة مصر نتمنى نكون زيهم مع ان احنا الى عاملين كدا فى نفسنا...........جوة مصر عيب انك تشتغل فى مطعم او تقف فى محل على اعتبار انة مش من مقامك , انما برة مصر عادى جدااااااااااا انك تشتغل اى حاجة مهما كانت شهادتك.............جوة مصر تسوق براحتك مش مهم الناس مش مهم اشارات المرور مش مهم اى حاجة , برة مصر انسان متحضر جدااااااااا تحافظ على المرور والاشارات والناس وحتى الصرصار الى بيعدى............
وفىالاخر احب امسي على احسن ناس ....سوهاج..بلد المواويل...وامسي عالصعايدة ...اجدع ناس .....وتحية خاصة لخط القناة من غير اسماعيلية.......وامسي عالناس الحلوة اللي بيخشوا المدونة.....وتحية خاصة جدا جدا جدا جدا من deep of my heart ليكي يا حبيبتي يا مصر

التحول الكبير

اكيد لما اصحابي يشوفوا الصورة هيسالوا كتير مين اللي انا حاطط صورته وفرحان بيه قوي ده! العجيب ان دي صورتي وان صغيرلما كنت في السعودية وتقريبا كان عندي من 3الى 4 سنين! بصراحة انا مش عارف ازاي الطفل البرئ ده تحول للشخص اللي في الصورة اللي فوق بس اكيد عوامل النحت والتعرية كان ليهم دور كبير في التحول البشري ده!!!

صورة فريق بردين تحت 21 سنة الحاصل على دورة بردين الصيفية 2007

اسماء لاعبي الفريق فقط ...... حاملي الكاس...من اليمين علي المحروقي....حسام حسن...................في الوسط..من اليمين...الشاذلي زين يليه فتحي سعيد حارس المرمى ابوفانلة لبني ثم عبد الخالق الصادق...................................في الخلف..من اليمين..عبد الرحمن الداشي..احمد علاء..انس ورور..احمد عبالله محمدي او صاحب السعادة وبجد هو حريف جدا جدا جدا ...احمد سمير الزلطة صاحب الرجل اليسرى الصاروخية وعلى فكرة لعب في الاسماعيلي قبل كدة وعلى يمينه مباشرة عمر عربي الذي كان يعلق على المبارايات..محمد عبد الحكيم سعد

بحب الاهلي

ده مش يوم عادي واقدر اقول عليه واحد من اسعد ايام حياتي بجد لاني فرحت في اليوم ده فرحة مقدرش اوصفها زي كل الاهلاوية في اليوم ده يوم السبت اا-اا -2006 . بجد اليوم ده يجسد حال طائفة كبيرة جدا من المصريين اللي كل املهم ان الاهلي يكسب ماطش او يفوز ببطولة.كل ما افتكر اليوم ده وافتكر الناس عالقهاوي ازاي كانوا بيدعوا وازاي كانوا بيقروا القران بصوت عالي وكلهم امل في ربنا وفي اللعيبة ان الاهلي يكسب وكل ما افتكر الناس في الشوارع بعد الماطش ازاي ملمومين واد ايه فرحانين......اقول ربنا يخليلنا الاهلي اللي ياما فرحنا.......واقول يا ريت اشوف الحماسة والارادة والعزيمة والثقة اللي شفتهم في اليوم ده مع كل واحد كل يوم في حياته.....بجد لو ده ممكن ......ممكن..مع اني اشك.....ممكن نبقى احسن بكتير. اخر الكلام ...............بلادي وان جارت علي عزيزة....واهلي وان ضنوا علي كرام

عادة مصرية ربما تكون عربية

عندما نفرح تذهب حلاوة الفرح من قلوبنا بسرعة الريح وعندما نحزن تبقى مرارة الاسى في قلوبنا وملامحها في وجوهنا الى امد طويل وكان الحزن هو ظل لكل منا يلازمه اينما حل والفرح ما هو الا عابر سبيل مر علينا مرور الكرام. المشكلة الكبرى اننا نسال انفسنا متى نفرح ؟ امتى هنشوف يوم حلو ؟ الجواب نجده عندما نسال انفسنا ايضا ليه الافراح تقام ليلة واحدة وليه الماتم بيدنه اربعين يوم. عندما اكون على صواب لا احد يتذكر وعندما اكون على خطأ لا احد ينسى.....ولذلك سنبقى الشعب الذي يهتف دائما لسقوط البطل اكثر مما يهتف لانتصاره..... الا ترون معي انه مجتمع مريض نفسيا ويحتاج الى علاج جذري غير موجود الى يوم الدين.