كل سنة وانتم طيبينويا رب تكون 2008 سعيدة ع الكل............وبما ان السنين عمالة تعدي ودة كله محسوب من عمرنا فيا ريت كل واحد يحاول انه يستفيد من كل لحظة في حياته ويحاول انه يعمل كل اللي هو شايفه صح عشان ميرجعش يندم على اي لحظة ضيعها لمجرد انه محاولش يفكر يستغلها صح...وده بصراحة يخليني اتكلم عن موضوع مهم جدا......انا هتكلم عن كتاب وهو اهم كتاب في حياة كل واحد فينا...كتاب يكتب مرة واحدة فقط ويستحيل التعديل فيه ولا يصدر منه سوى نسخة واحدة فقط لكل فرد .....كتاب لم يكتب بالاقلام ولم تره عينك وانت تكتبه ...... كتاب سيحمله البعض بيمينه ويحمله البعض الاخر بشماله .....فاللهم اجعلنا ممن يحمله باليمين....انه كتاب اعمالك ..ذلك الكتاب الذي يحمل لك شهادة دخول الجنة او تذكلرة دخول جهنم وبئس المصير......ليه منبدأش مع السنة جديدة بداي جيدة دون النظر الى ماحدث في السنين الماضية والله غفور رحيم....ليه كل واحد مياخدش القرار بانه يلتزم صلاة الجماعة ..ليه منصليش الفجر جماعة زي مبنصلي الجمعة....صدقوني بكون زعلان جدا والناس في صلاة الفجر تكاد تكمل الصف الاول..وبيزيد زعلي لما بلاقي بعد الصلاة ناس جاية تصلي الفجر بعد ثواني من نهاية الصلاة ...ويزيد زعلي لما الاقي الناس رايحة الشغل وصلاة الفجر شغالة ومفكرش حتى ولو مرة انه يصلي....وبزعل جدا وخاصة من نفسي لما يكون في ماطش واسمع الاذان واكمل الماطش واصلي بعده...........ليه كل واحد ميعملش لنفسه ورد من القران يقراه كل يوم ولوعلى الاقل حزب يقراه قبل ميبدا يذاكر........ليه بدل منشغل اغاني منسمعش قران ونكسب حسنات ربما تثقل ميزاننا.......ليه الواح ميعملش لنفسه يوم يصومه كل اسبوع وصيام يوم في سبيل الله يبعد عن النار اربعين خريفا......ليه وليه وليه منصلحش كل حاجة غلط مدام نقدر وبسهولة....يا ريت اللي يقرا الكلام ده يفكر فيه بجد ويشوف هو هيكسب ايه وهيخسر ايه واكيد ان شاء الله مش هيكون خسران...............................وبالنسبة للمدونات الكتير اللي اصحابها ملحدين او مشركين وبيكتبوا فيها بطريقة تخلي اللي يقراها ممكن يضطرب ولو للحظة...العلاج موجود وسهل"واذا قرأت القرءان جعلنا بينك وبين الذين لا يؤمنون بالاخرة حجابا مستورا"..صدق الله العظيم |
